Ӝоген тол но вуоз ини...

Туннэ, ма толон но, тӧдь бубылиос музъем вылэ васькизы. Ура-а-а!!!! Урамын лымыя... Тол вуоз ни ӝоген... Гын сапег кулэ луоз гуртын ветлыны. Мон кезьыт куазьлы дасяськи ини)))

Оло нош?

Гольык сыло ни писпуос, уг адӟисько ни сяськаос, ваньмыз сьӧд буёлэн шобырскемын... Пӧйшуръёс но толйыны выдэмын ни. Мӧзмыт... Оло нош мыным но пегӟоно?!?

Урамын тылъёс ӝуало, адямиос кытчы ке дырто, машинаос пумтэм-йылтэм ветло... Улон азьлань мынэ.

"Гожъяськы шонер" проектлэн туннэ ортчиз нырысетӥ пумиськонэз. Мон но отчы вуылӥ. Туж шумпотӥсько мынэмелы, угось табере мон но быгато ни  удмурт гожъянпусъёсын шонер гожъяськыны. Бадӟым тау Григорий Григорьевлы но Алексей Шкляевлы. Нош кинлэн потэ телефоназ удмурт кылын  гожъяськемез?

Электрокыллюкам но Windows7

Кызьы удмурт Электрокыллюкамез Windows7 усьтыны?
 Куке тӥ Электрокыллюкамез пуктӥды, со тӥляд уз усьтӥськы. Соин ик кулэ луоды компьютер шырдылэн бур палаз зӥбыса "Запуск от имени администратора" гожтэмез басьтыны. Соку ини со усьтӥськоз.

Кытчы дыр сокем дыртэ меда ? Сьӧраз чик уг вуиськы...

Ыскал...

Гуртын будӥ но улӥсько, нош скал кыскыны уг быгатӥськы... Мар, пе, со луоз шуэ атае, одно ик дышетскыны кулэ... Мар каром на - киям кутӥ ведра, пыри гидэ... Паймыса ик учке шорам скалмы... Кытысен ай пуксёно? Век живи, век учись шуо ӟучъёс. Пукси... Скалэ быжыныз шлач-шлач! гинэ шукке, пыдзэ ӝутъя... Мар солы уг яра, мон уг валаськы. Кызьы но озьы кыски, буям гижыме но чигтӥ, гидысь вожомыса потӥ. Ӝыныез  кыскем йӧлы выж вылэ кылиз... Мар шуоз ни табере атай??? Жингыртӥз телефон...Мон сайкай.

Ура-а-а!!! Вуиз кема возьмам нунал))) Мон но блог лэсьтӥ. Табере ни гожъяськом, эшъяськом, дырмес пайдаё ортчытыны тыршом.